Tres una xornada de recuentu'l votu emigrante, nas que se refugóu'l 13% de las papeletas eleutorales provenientes de países foriatos, el PP a la fin nun foi a recuperare los prietu d'once mil votos que precisaba pa ganare l'escañu que taba en xuegu en Pontevedra. Galicia camuda de presonal na Xunta. PSOE y BNG algamanun en total 38 escaños en parllamentu gallegu, y el PP 37. Los llíderes del PSdeG y BNG, Emilio Pérez Touriño y Anxo Quintana yá entamanon negociaciones pa formare gobiernu.

Las negociaciones de gobiernu ente PSdeG y BNG nun s'apresentan difíciles: ambos los dous partidos solliñan las súas posiciones políticas semeyantes. Máis problemas fadrá'l seutor radical del BNG qu'aculumbra yá posibilidaes de facere rialidá'l sou proyeutu "nacional" de la Grande Galicia (incorporación del Bierzu, Senabria y las Tierras del Eu).