Make your own free website on Tripod.com
2° metá de  Xuliu 2005
Primeira edición
Vuelta a anicial        

Programas
Arquivos sonoros
Collabora
País Llionés
España y Pertual
Outros países
Desportes
Collabora
Las Arribes
El Bierzu
Zamora
L'espertu opina
La súa opinión
Prensa llionesa
Radiu llionesa
Televisión llionesa
Turismu llionés

 

 

 
 
D'economía y lo que nun tenemos
Sentáu nun d'esos trenes  colos que los llioneses namái podemos suañare, veyo pasare la paisaxe austríaca pola mía fiestra. Toi nun de los países, dicen, máis avanzaos d'Europa, y polo menos no que cinca a los tresportes ye verdá.

Llego a Salzburgu, y sigo cavilgando sobre'l nivel de vida d'eillos y de nós. Y pásaseme pola tiesta facere la comparanza de lo que yá tengo visto d'Austria ya Alemaña con Valladolí, Burgos ou Pamplona (inda que podría tenere pensáu d'igual de Valencia ou Llérida). "Castellanos y navarros yá algamanun nivel européu", dígome.

¿Y nosoutros? ¿Qué-ys pasóu a los llioneses? Que quedamos na cola d'Europa. N'empregu y cultura xugamos nun na primeira lliga (la de los países nórdicos), nin siquier na segunda (la d'Europa central, Francia, el norte d'Italia, Eslovenia ou muitas rexones peninsulares, sacate nós), namái atópasenos na terceira, xunta a la República Checa, Polonia ya Hungría.

¿Qué foi mal? Muito. Nos cabeiros 30 años nun fuimos a defendenos, a lluitare polos nuesos intereses económicos. Dende las inversiones francesas de la Fhasa, nun primeiru intre pensóuse de Salamanca, fasta la perda de las colocaciones que de xuru trayería Airbus pala ciudá de Llión (y que van repartise comu bonos hermanos Valladolí y Palencia) ou'l chapatal económicu nel que tienen somorguíu a Zamora, con un PIB semeyante al d'Hungría.




 



 

 





 

 

Fueya Llionesa
Fueya d'información en llingua llionesa

Llión, Zamora, Salamanca, Miranda l Douro, Valdiorras, El Carrión
fueyallionesa@hotmail.com