Make your own free website on Tripod.com

Setiembre y 3

Terceira edición

Vuelta a anicial        

Programas
Arquivos sonoros
Collabora
País Llionés
España y Pertual
Outros países
Desportes
Collabora
Las Arribes
El Bierzu
Zamora
L'espertu opina
La súa opinión
Prensa llionesa
Radiu llionesa
Televisión llionesa
Turismu llionés

 

 

 
 
Una peligrosa red de narcotraficantes actúa en Zamora y Salamanca

Un joven detenido ayer en la ciudad leonesa de Zamora por las brigadas antidrogadicción de la Guardia Civil ha puesto de manifiesto la actuación de la peligrosa red de tráfico de estupefacientes en el sur del País Leonés.

Según los agentes de la Policial Judicial de Salamanca y de la comandancia de Zamora el detenido puede estar vinculado a una red de narcotraficantes que actúa en Zamora y en varias localidades salmantinas, donde ya se han producido varias detenciones. En el mes de marzo ya se incautaron dos kilos de heroína en Morales del Vino. El juez zamorano que se encarga del caso ha decretado el secreto de sumario para evitar que trasciendan detalles y se filtre información.

 

Zapatero "intentará"  baxare  la peax de la autopista del Güerna

El presidente del gobiernu, el vallisoletano José Luis Rodríguez Zapatero, ha de decidir  al entamu del vindeiru añu si reduce la alta peax de la autopista que xune la capital llionesa con Asturias. Nuna receición a la que foi convidáu xunta a la ministra de fomentu Magdalena Álvarez pol presidente'l Principáu d'Asturias, el socialista Álvarez Areces, reafirmóu'l sou enfotu en dar una solución favoratible a las desixencias asturianas y llionesas, magar que nun foi a escampare la dulda sobre la rebaxa de la peaxe.

Foi tamién el presidente del Principáu, y non la Junta de Castiella y llión,  el que treslladóu al presidente del gobiernu la petición pa qu'entame cola construcción de la autovía Ponferrada-Uviéu pol puertu de La Espina.

 

El País Llionés amburia en branu

 

El País Llionés arrexistróu dende l'aniciu de xaneiru ta'l 15  d'agostu 1840 incendios nas súas viescas: 804 na provincia de Llión, 669 na provincia de Zamora y 367 na salmantina. Nas provincias castellanas pa la comparanza namás hebo 615 incendios forestales.

Las comarcas que más sufrienun los incendios fuenun El Bierzu , la Montaña Central, Senabria y la Sierra de la Culiebra y la Sierra de Francia. Los llumes más graves fuenun los de Pombriegos y el Curueñu.  

Dende estas fasteiras, las más afeutadas polos fueos inda que nun las únicas, afírmase que la Junta de Castiella permanez impasible delantre la llaceria ecolóxica que tien llugar. Magar la seca y tolos indicios de perigru pal campu y el monte llionés, nun se prohibe la eisplotación de los tarrenos amburiaos, nun s'iguan las griescas vecinales pol usu de los montes, nin s'afita un sistema de vixilancia forestal. Critícase el feitu de que nas provincias d'Ávila, Palencia y Segovia la Junta trabaya en facendeira colos conceyos montañeses pa desendolcar una política de prevención d'incendios. Sicasí nas provincias llionesas nun se produz talas muestras d'interés pola prevención y la lluita escontra las chamas.

Hai de llembrare que muitos llioneses dienun las súas vidas na lluita escontra los incendios na que la Junta tien una responsabilidá subsidiaria. Asina, n'agostu y 28 de 2000 muerrienun dous bercianos nun fuéu n'Oencia. Las familias de los muertos desixen a la Junta qu'almita los erros cometíos na eistinción del incendiu. El procesu alcuéntrase paralizáu, inda que los xulgaos tengan yá tola documentación y las declaraciones de los testigos. 
 

Propuesta de creyación d'un Conseyu Xeneral del Reinu

La muerganización xuvenil llionesista Conceyu Xoven, que cunta con cuasi 2000 afiliaos en tolas provincias llionesas propón una fueya de ruta pa la creyación d'un Conseyu Xeneral del Reinu de Llión. La propuesta inclúi la reconocencia del País Llionés comu Nacionalidá Hestórica, y la reconocencia oficial de la llingua llionesa.

Los partíos políticos castellanistas posiciónanse toos xuníos escontra: mientras el Partido Popular ñega la mayor y fala d' "una comunidá fuerte que potencie a Llión", el PSOE namái ta dispuestu a "que vaiga pa Llión un plenu de la cortes al añu" y a que'l nuesu idioma seya un meru "dialecto", al empar que la fala de Segovia.

Salmonelosis en Zamora

Un brote de salmonelosis pente dous casamnientos en dous restaurantes de los conceyos de Villalpaldu y Camarzona de Tera dexa 114 afeutaos na provincia zamorana. Tres presonas tan inda baxu tratamientu nel hospital de Benavente y outras tres nel hospital Virgen de la Concha. Amás hai outros tres enfermos en Madrí y Murcia. Los servicios de salú de la Junta dicen tar investigando la razón del brote.

El gobiernu del estáu refuga reabrire la llinea de Renfe Salamanca-Zamora

Decántase pola apertura mentantu de la llinea Salamanca-Plasencia nun claru intentu d'allonxar a Salamanca de los sous raigaños llioneses. El ministru Caldera, natural de Béjar, conceyu que taría xuníu pola llinea ferroviaria, foi acusáu de construise un palaciu nel sou pueblu con cuartos públicos.

 

Nos cabeiros cincu años emigranon máis de 23.000 salmantinos

23.708 salmantinos dexanun la provincia nos cabeiros cincu años pa dir trabayar a outru llugar del estáu. Anoxaos pola permala situación económica namái en 2004 marchanun 4.665. Sigún los datos del Institutu Nacional d’Estadística ún de ca tres emigrantes ye del tramu d’idade d’ente 25 y 34 años. Pola primeira vegada hai máis mozas que mozos ente los emigrantes. Aporta que ye la xeneración máis preparada, con carreira y con conociencia de llinguas foriatas, la que dexóu la provincia llionesa. Tres estudiare na universidá atopan trabayu en Madrí, Cataluña ou Castiella, las veces llueñe de casa. Esti fenómeno pué tenere consecuencias nefastas pa la economía y demografía salmantina a llargu prazu.

Los datos amuesan tamién que prietu d’outros 6.500 salmantinos camudanun el sou llugar de residencia. Magar la llegada d’inmigración d’África y d’Europa Oriental, el crecimiento vexetativu ye negativu.


Datos del padrón de 2005

 

El 82% de los llioneses de la provincia de Llión refugan “Castilla-León”

Pola primeira vegada na súa hestoria reciente el “Barómetro de Castilla y León” de Caja Duero realizóu una encuestra a la gueta del índiz d’aprebación del repartu territorial na Comunidá Autónoma de Llión y Castiella. Los responsables de facer el estudiu arreguilanun encuantes se decatonun que na provincia de Llión el 82% de la población ye contraria a la permanecia de Llión nesta Comunidá. Na provincia de Zamora l’índiz de descontentu ye de prietu’l 60%, y mesmu na provincia de Salamanca el 42% de los encuestaos defínese de móu percraru pola creyación d’una nueva Comunidá colas outras dúas provincias llionesas.

El sentimientu “castellanoleonés” ye compartíu en Llión por un 1,3% de los paisanos.

Sobre’l nivel de conociencia del Plan Oeste que quier desendolcar el gobiernu socialista nel País Llionés, namái’l 10% de los llioneses sabe que ye.

 




 



 

 





 

 

Fueya Llionesa
Fueya d'información en llingua llionesa (y castellana)

Llión, Zamora, Salamanca, Miranda l Douro, Valdiorras, El Carrión
fueyallionesa@hotmail.com